Gréta María Grétarsdóttir, til vinstri, tryggði KR-stúlkum sæti í lokaúrslitum um Íslandmeistaratitil kvenna í kvöld þegar að hún skoraði þriggja stiga körfu um leið og lokaflautið gall og kom KR yfir, 63-62, í fyrsta og eina skiptið yfir í leiknum. Keflavík hafði sex stiga forskot eftir fyrsta leikhluta, 9-15, leiddi 32-33 í hálfleik og hafði loks fimm stiga forskot, 42-47, fyrir síðasta leikhlutann. En KR-stúlkur gáfust ekki upp og þrátt fyrir að vera komnar 14 stigum undir, 48-62, lokuðu þær vörninni og tryggðu sér leikina gegn Stúdínum með því að skora 15 síðustu stig leiksins.
Gréta María skoraði 7 þessara fimmtán stiga og stal að auki fjórum boltum í síðasta leikhlutanum. Það vakti nokkra athygli að það voru dæmd tíu skrefadómar í leiknum, einn á KR og heilir níu á Keflavík þar af tveir á lokamínútu leiksins.

Fyrsti úrslitaleikur ÍS og KR í lokaúrslitum 1. deildar kvenna fer fram þriðjudaginn 2. apríl en þetta er í fyrsta sinn í sögu úrslitakeppni kvenna sem tvö Reykjarvíkurfélög mætast í úrslitum.