Stelpurnar í U18 máttu þola sitt annað stóra tap í keppninni til þessa er þær kepptu við sænska liðið. Lokatölur 41-114 Svíum í vil. Það var ekki sami skjálfti á liðinu í leiknum eins og var í gærkvöldi á móti Finnum. En þrátt fyrir það sýndu Svíarnir að þær eru með töluvert sterkara lið og þær íslensku komust aldrei almennilega í gang. Svíarnir gengu á lagið og keyrðu upp muninn hratt og örugglega. Lokatölur 41-114.

Þær pössuðu boltann mun betur í dag sem er lykilatriði fyrir framhaldið en næsta viðureignir eru gegn Noregi og Danmökru sem þær spila við á morgun. Kl. 09:00 er það Noregur og kl. 17:00 mæta þær Dönum. Þó að það hafi ekki gefið þeim fleiri stig í dag heldur en í gær að passa boltann mun það vonandi aðstoða þær á morgun við að landa sigrum.

Stigahæst hjá Íslandi var Margrét Rósa Hálfdanardóttir með 11 stig.

Umfjöllun um leikinn á Karfan.is

Myndasafn úr leiknum á Karfan.is

Hægt er að sjá svipmyndir úr leiknum á Youtube-rás KKÍ

Leikurinn í tölum:
Flest stig: Margrét Rósa Hálfdanardóttir - 14
Flest fráköst: Margrét Rósa Hálfdanardóttir- 6
Flestar stoðsendingar: Telma Lind Ásgeirsdóttir - 3
Flestir stolnir boltar: Fjórar með einn - 1
Flest varin skot: Telma Lind Ásgeirsdóttir - 1
Hæsta framlag: Margrét Rósa Hálfdanardóttir -6