Annað sumarið í röð ætlar KKÍ að efna til veglegs götuboltamóts eða “Streetball-móts” í sumar.

Stefnt er að því að leika í nokkrum riðlum utandyra út um allt land í sumar og leikið er með klassísku 3-á-3 sniði þar sem liðin skiptast á að spila sókn eftir skoraða körfu.

Lið skrá sig til leiks og raðað verður í riðla eftir staðsetningu. Þannig er miðað við að lágmarki sex lið verða í riðli og hvert lið myndi leika um 10 leiki í sínum riðli.

Mótið fer þannig fram að KKÍ raðar upp riðlum með þeim liðum sem skrá sig til leiks og síðan munu liðin sjálf ákveða leikdaga og sjá til þess að þau klári að leika sína leiki fyrir mótslok. Mótstími verður ljós þegar búið er að taka við skráningum og raða í riðla en gera má ráð fyrir því að leikir þurfi að fara fram milli helgina fyrir menningarnótt í lok ágúst. Í hverju liði er fyrirliði sem sér um að ákveða í samráði við fyrirliða mótherjanna hvenær leikir fara fram.

Þá er stefnt að því að hafa veglega úrslitakeppni með þeim liðum sem komast áfram úr riðlunum sínum um miðjan ágúst með skemmtilegri umgjörð.

Helstu reglur eru þær að mótið er opið öllum sem vilja taka þátt og eru 18 ára eða eldri, óháð því hvort um ræðir áhugamenn um körfubolta eða leikmenn úr deildum KKÍ. Hámark sjö leikmenn mega vera saman í liði og þátttökugjald á hvert lið er 3.500 kr. (500 kr. á mann)

Nánari upplýsingar, eins og leikreglur, framkvæmd móts og leikja og fleira er að finna á www.kki.is/sumardeildin.asp og hægt er að senda spurningar og þátttökutilkynningar inn á netfangið sumardeildin@kki.is
Frestur til skrá sig til leiks er til og með sunnudagsins 12. júní. Eins og áður segir er þátttökugjaldið 3.500 kr. á lið en upplýsingar um greiðslu og hvað þarf að senda inn með þátttökutilkynningunni er að finna hér fyrir neðan.

Úrslit og staða mun svo birtast á mótavef KKÍ.




Umsókn og skráning:

Skráning hefst mánudaginn kemur 30. maí og skrá þarf inn lið fyrir lok sunnudagsins 12. júní. Eftirfarandi atriði þurfa að koma fram í skráningu liða á tölvupósti:

· Nafn liðs        Gefa þarf liðinu nafn, öll alvöru lið hafa nafn.

· Leikmenn      Nöfn allra leikmanna, aldur og sími.

· Fyrirliði          Tilgreina þarf hver sé fyrirliði/tengiliður liðs og netfang hans.


Skráningar skulu sendar á netfang deildarinnar í tölvupósti. Að auki þarf að senda greiðslu í heimabanka þar sem nafn liðs er tekið fram í skýringu/kvittun sem sendist á sama netfang. Að öðru leyti er ekki hægt að taka við skráningu liðsins í deildina.

Munað að setja nafn liðs í skýringu á kvittun!


Reikningur: 121 - 26 - 1369 · Kennitala:   710169-1369

 · 


 sumardeildin@kki.is

1. Leikreglur

• 3-á-3, þrír inná í einu í hverju liði.

• Leikið á eina eða tvær körfu í sem næst 3.05 cm. hæð. Heimalið ræður 
   leikstað / ákveður heimavöll. Lið ákveða í sameiningu annað.

• 1 og 2 stig fyrir körfur. Fer eftir völlum.
   Verður að vera heil/sannarleg þriggja-stiga lína ef 2 stig eiga að gilda.

• Skotið upp á boltan af gestaliði.

• Leikir eru upp í 21 stig - Vinna með 2 stigum.

• Ekki “Make-it, Take-it”. Varnarlið fær boltann eftir skoraða körfu.

• Hlaupandi skiptingar/má stoppa til að skipta áður en sókn er hafin.
• Ef leikið er á eina körfu. Alltaf að "checka" eftir skoraða körfu.
 Ef það er varnarfrákast þarf að spila boltanum útfyrir þriggjastigalínu og þá er hann í leik.

• 18 ára aldurstakmark.

• Fyrir leik þurfa bæði lið að fara vel yfir sérreglur vallarins.
  Til dæmis hvað er útaf, hvert þarf að fara til að “fara út fyrir” og svo framvegis.

 Heiðarleiki og sanngirni í fyrirrúmi. Ekki á að sýna grófan leik. Sóknin dæmir. Almenn skynsemi.

2. Framkvæmd leikja

• Keppnisgjald er 3.500 kr. á hvert lið.

• Ákveða þarf nafn og útnefna fyrirliða/tengilið liðs.

• Mest 7 í liði, 3 inná í einu. 

• Lið þurfa að tilkynna forföll ef þau komast ekki í leik með nægilegum fyrirvara.
   Forföll tilkynnist til fyrirliða andstæðings.

• Ef lið mætir ekki tapast hann 11-0. Ef lið geta ekki komið sér saman um leiktíma    verður mótsstjórn að setja niður tíma.

• Fyrirliði/tengiliður sigurliðs á að tilkynna inn úrslit inn til KKÍ með tölvupósti.
• Í hverjum riðli eru 5-8 lið.

• Riðlar eru svæðisskiptir.

• Hvert lið leikur tvisar sinnum við hvert lið í riðli.

• Lið mega spila alla leiki í einu ef allir samþykja. (tveir leikir gegn sama liði í einu).

• Liðin ákveða sjálf hvenær leikir fara fram. (innan tímaramma mótsins) 

• Lið sjá sjálf um að framfylgja því að leikir fari fram.

• Niðurröðun til viðmiðunar gefin út.

• Liðin mæla sér mót við hin liðin í riðli. (fyrirliðar tala saman)
• Heimalið í ljósu og gestir í dökku ef hægt er. (fyrirliðar tala saman)

• Ef leikvöllur er upptekinn þegar leikur á að fara fram er gott að hafa varavöll til taks.

3. Utanumhald og úrslit/staða

• Leiktímabil er frá 15. júní - 10. ágúst - klára þarf leiki á því tímabili til að fara í úrslit. Miðað er við að úrslit verði laugardaginn 13. ágúst 2011.

• Fyrirliðar senda inn úrslit á netfangið sumardeildin@kki.is

• Á kki.is/sumardeildin.asp eru allar upplýsingar um lið, leikmenn og fyrirliða hvers liðs +  úrslit uppfærast svo jafnóðum á mótasíðu KKÍ.

• Fyrirkomulag á úrslitum ákvarðast af þátttöku.

Úrslitakeppni verður svo upp úr miðjum ágúst með skemmtilegri umgjörð en miðað er við helgina fyrir menningarnótt 2011.