KKÍ mun standa fyrir æfingabúðum fyrir úrvalshópa KKÍ eins og gert hefur verið sl. sumur með mjög góðum árangri.

Úrvalshóparnir eru undanfari yngri landsliða Íslands þar sem unglingalandsliðsþjálfarar stjórna æfingum og fara yfir ákveðin tækniatriði.

Búið var að senda á alla þjálfara stúlkna og drengja í árgöngum '98, '99 og '00 tölvupóst þess efnis.

Skilafrestur er fyrir miðvikudaginn 13. apríl sem er á morgun, en allmörg félög eiga enn eftir að senda inn sínar tilkyningar.

Félögin eru vinsamlegast beðin um að tilnefna leikmenn í úrvalsbúðirnar sem allra fyrst.

KKÍ mun svo boða leikmennina á æfingarnar en fyrri æfingahelgin verður 28. og 29. maí og sú síðari verður 20. og 21. ágúst.