KKÍ fagnar 50 ára afmæli á þessu ári og í tilefni af því verður efnt til veglegs afmælis- og lokhófs laugardaginn þann 30. apríl á Broadway.

Búið er að bóka hljómsveit fyrir kvöldið og er það hin stórskemmtilega sveit Buff sem mun sjá um að leika fyrir dansi.

Framreiddur verður þriggjarétta málsverður fyrir gesti og verða þeir sem skarað hafa fram úr á tímabilinu verðlaunaðir að venju.

Að auki má búast við gestum í tilefni afmælisins og verða þeir kynntir til leiks síðar.

Körfuboltafólk hefur skemmt sér vel undanfarin ár á lokahófinu og hefur metþátttaka verið á þeim undanfarið, en nú er stefnt á því að fylla húsið með fólki úr hreyfingunni, bæði úr nútíð og fortíð, og halda veglegasta lokahóf í sögu KKÍ.