Síðasti dagur félagaskipta fyrir alla íslenska og evrópska leikmenn, bæði í meistaraflokkum og yngri flokkum, er laugardagurinn næstkomandi 5. febrúar og er hægt að skipta til miðnættis. Frá og með 6. febrúar eru öll félagaskipti í þessum flokkum óheimil til loka keppnistímabilsins.

Varðandi leikmenn með ríkisfang utan Evrópu (td. Bandaríkjanna) eða með ríkisfang lands utan FIBA Europe gilda aðrar reglur en þeim er heimilt að skipta eftir 6. febrúar til loka tímabilsins nema þegar um er að ræða félagaskipti slíkra leikmanna á milli félaga innan KKÍ.

5. febrúar er einnig síðasti dagurinn til að skrá venslasamninga hjá KKÍ á yfirstandandi keppnistímabili en um þá gilda almennar reglur um félagaskipti.

Skrifstofa KKÍ er opin alla virka daga frá kl. 09-17, en einnig er hægt að senda beiðnir um félagaskipti á faxi til KKÍ, faxnúmerið er 514-4101 eða í tölvupósti á kki@kki.is.

Hér á síðunni er hægt að nálgast félagaskiptaeyðublaðið í aðalvalmynd til vinstri. Á eyðublaðinu eru allar upplýsingar um hvernig greiða má fyrir félagaskiptin.

Umsóknir um félagaskipti eru ekki samþykktar nema að tilgreint sé með greiðslumáta á umsókninni og sé þá annað hvort staðfest af forráðamönnum nýja liðsins eða að kvittun fylgi í tölvupósti á kki@kki.is sé millifært í heimabanka.

Reglugerð Félagaskipta KKÍ.