Árið 2011 er spennandi ár í evrópskum körfubolta en í haust keppt um Evrópumeistaratitilinn í Litháen.

Keppnisfyrikomulagi lokamótsins var nýverið breytt og fleiri lið komast á lokakeppnina. Áður voru 16 lið sem kepptu til úrslita en nú munu 24 lið keppa um Evrópumeistaratitilinn. Nýtt fyrirkomulag hefur verið tekið upp til að ákvarða styrkleika liðanna en liðunum er raðað í sex styrkleikaflokka og munu dragast saman eftir þeim. Styrkleikalistinn var gefin út í dag og liðin röðuðust í eftirfarandi flokka:

1. styrkleikaflokkur
Spánn, Serbía, Grikkland og Slóvenía

2. styrkleikaflokkur
Frakkland, Króatía, Rússland og Tyrkland

3. styrkleikaflokkur
Þýskaland, Svartfjallaland, Litháen og Belgía

4. styrkleikaflokkur
Bretland, Makedónía, Ísrael og Georgía

5. styrkleikaflokkur
Ítalía, Búlgaría, Pólland og Bosnía.

6. styrkleikaflokkur
Úkraína, Lettland og tvö lið til viðbótar sem eiga eftir að vinna sér sæti á lokamótinu. Það eru Finnar, Ungverjar og Portúgal sem leika innbyrðis um þessi tvö sæti.

Leikið verður í fjórum sex liða riðlum.

Þau 10 lið sem léku á Heimsmeistaramótinu í sumar unnu sér sjálfkrafa rétt á lokamótið. Þessum liðum er svo raðað eftir árangri á síðasta EM 2009, þar sem spánverjar sigruðu, Serbar urðu í öðru sæti og Grikkir í því þriðja.

Næstu 12 liðum er raðað eftir árangri undankeppninnar frá síðastliðnu sumri. Íslandsvinirnir frá Svartfjallalandi voru til að mynda settir í 11. sæti styrkleikalistans þó þeir séu með sama vinningshlutfall og Belgía og Bretar en þeir eru með betri stigamun í skoruðum stigum gegn fengnum á sig.