EM karla í Slóveníu 2013
Á sunnudaginn var tilkynnt hvaða land var valið til að halda lokakeppni Evrópumóts karla 2013 en það kom í hlut Slóveníu að þessu sinni.

Þetta er í fyrsta sinn sem þeir munu halda lokamótið en Slóvenska sambandið heldur upp á 60 ára afmæli sitt á þessu ári.

Forseti FIBA Europe, Ólafur Rafnsson var mjög ánægður með ákvörðunina, en hann var nýlega viðstaddur opnun nýs leikvangs í Ljubljana og sagðist vera mikil aðdáandi landsins og slóvensku stuðningsmanna landsliðsins.

Keppni mun fara fram á fimm leikvöllum í Slóveníu sumarið 2013 en leikdagar verða tilkynntir síðar þegar nær dregur. 24 lið munu leika til úrslita um Evrópumeistaratitilinn.

EM kvenna í Frakklandi 2013
Á sama tíma var tilkynnt að lokakeppni Evrópumóts kvenna verður í Frakklandi.

Kvennakörfubolti er mjög vinsæll í Frakklandi og franska liðið er núverandi Evrópumeistarar kvenna. Ólafur Rafnsson sagði að frakkar hefðu þekkinguna og aðbúnaðinn til að halda frábæra lokakeppni, en þeir hafa mikla reynslu af skipulagningu lokamóta, héldu sömu keppni 2001 og keppni karla 1999. Í fyrra héldu þeir heimsmeistaramót U17 kvenna og fjögurra liða úrslit meistaradeildarinnar.