Keflavíkurkonur unnu KR í úrslitaleik Lengjubikars kvenna 101-70. Staðan í hálfleik var 42-34 fyrir Keflavík. Í seinni hálfleik juku Keflvíkingar muninn og unnu að lokum 101-70.

Hjá Keflavík var Pálína Gunnlaugsdóttir stigahæst með 26 stig, Jacquline Adamshick var einnig mjög góð fyrir Keflavík en hún skoraði 22 stig og tók 23 fráköst. Birna Valgarðsdóttir var með 21 stig.

Hjá KR var Margrét Kara Sturludóttir stigahæst með 18 stig, Hildur Sigurðardóttir setti 13 stig og Guðrún Gróa Þorsteinsdóttir var með 12.

KKÍ óskar Keflavík til hamingju með titilinn.