Yvan Mainini, forseti Franska körfuknattleikssambandsins, var kjörin einróma næsti forseti FIBA á Heimsþinginu í Tyrklandi og verður þar með sá ellefti í röðinni sem gegnir embættinu.

Sá háttur hefur verið á að álfusamböndin fimm (Evrópa, Ameríka, Asía, Afríka og Eyjaálfa) hafa skipt með sér embættinu milli þinga sem haldin eru á fjögurra ára fresti. Yvan tekur við af Bob Elphinston sem er forseti Ástralska sambandsins.

Yvan hefur gegn störfum innan FIBA meðal annars setið í aðalstjórn FIBA og var forseti FIBA Europe á árunum 1998-2001. Þá hefur hann sinnt störfum fyrir Ólympíunefnd Frakka.

Þinginu lýkur formlega í dag en hægt er að skoða Fréttabréf frá hverjum degi þar sem ýmis málefni FIBA frá þinginu eru skýrð og ýmis annar fróðleikur.

Dagur 1
Dagur 2
Dagur 3
Dagur 4