Enn berast gleðifréttir frá FIBA, Leifur S. Garðarsson var að fá 2 leiki til viðbótar og eru það 11. og 12. leikurinn á Evrópumótunum í vetur.
Nú er ferðinni heitið til Ítalíu til að dæma 2 leiki, annan í Saporta Cup - Evrópukeppni bikarhafa og hinn í EuroLeauge kvenna - Meistaradeild kvenna.
Þriðjudaginn 5. febrúar verður Leifur í Siena þar sem hann dæmir leik Montepaschi Siena og Sarthe Basket frá Frakklandi í Evrópukeppni bikarhafa.
Ítalska liðið er á toppnum í þessum riðli en Frakkarnir eru í baráttu um að komast áfram, eru í 4. sæti sem stendur.
Daginn eftir dæmir hann svo leik tveggja efstu liðanna í B riðli
Meistaradeildar kvenna. Það er leikur Lavezzini Basket Parma og USV Olympic Valenciennes frá Frakklandi.