Aðalfundur FKÍ - félag körfuknattleiksþjálfara á Íslandi fór fram síðastliðið miðvikudagskvöld.

Fyrr í vetur kom fram mikill áhugi á að endurvekja félagið og var þessi aðalfundur því haldinn.
Stjórn KKÍ ásamt fræðslunefnd ákvað því að boða til endurvakningar FKÍ með því að boða aðalfund félagsins. Hannes S.Jónsson formaður KKÍ var fundarstjóri og Guðbjörg Norðfjörð varaformaður fundarritari.

Á honum voru tekin fyrir almenn aðalfundarstörf og var stjórn kosin. Hana skipa Snorri Örn Arnaldsson formaður, Pétur Guðmundsson gjaldkeri, Birgir Mikaelsson ritari og Ágúst S. Björgvinsson var kosin í varastjórn.

Skoðunarmenn reikninga voru kosnir þeir Árni Eggert Harðarson og Sigurður Hjörleifsson.

Samþykkt voru lög félagsins sem nýstjórn þarf nú að framfylgja.

Mikill samhugur var meðal þeirra sem mættu á fundinn og ljóst að þetta félag á eftir að vaxa og dafna.

Þeir sem eru áhugasamir um að kynna sér félagið og eða skrá sig í það geta haft samband við formann þess Snorra Örn Arnaldsson tölvupóstur: snorriorn@gmail.com



Ný stjórn FKÍ ásamt formanni og varaformanni KKÍ.
Efri röð f.v. Birgir Mikaelsson, Ágúst S. Björgvinsson, Snorri Örn Arnaldsson og Pétur Guðmundsson. Sitjandi eru þau Hannes S. Jónsson formaður KKÍ og Guðbjörg Norðfjörð varaformaður KKÍ.