Fyrsti sigur Íslands leit dagsins ljós hérna í Solna í morgun þegar U16 ára lið drengja sigraði Norðmenn örugglega 88:62.

Martin Hermannsson var frábær í dag, byrjaði á þrist strax í fyrsta skoti leiksins og endaði með 5 af 8 fyrir utan þriggjastiga línuna, 6 fráköst og 23 stig samtals. Sigurður Dagur Sturluson kom sterkur inn og var með 3 af 5 í þriggja og 3 körfur af 6 skotum innan teigs, endaði með 16 stig.

Íslenska liðið lék vel og allir lögðu sitt af mörkum, Einar Árni rúllaði mannskapnum vel og allir tóku þátt. Síðar í dag er svo erfiðari leikur en þá leika þeir gegn Finnum.

Nú er leikur U16 stúlkna að hefjast en þær leika einnig gegn Norðmönnum.

Hægt er að sjá myndir af öllum leikmönnum U16 ára liða drengja og stúlkna hérna.

Myndbrot úr leiknum: U16 gegn Norðmönnum