Nú eru öllum leikjum kvöldins lokið og unnust tveir þeirra með tveimur stigum og einn með einu og því sannarlega mikil spenna á öllum vígstöðum.

KR · Haukar
KR voru rétt í þessu að leggja Hauka í undanúrslitum kvenna. KR-stúlkur tóku völdin í restina á leiknum og unnu 63:61 eftir að Haukar leiddu að mestu allan leikinn og eru því komnar í úrslit annað árið í röð.

Hamar · Keflavík
Nú eru tveimur af þremur leikjum kvöldsins lokið. Í Hveragerði tók Hamar á móti Keflavík í leik 3 en staðan var 1:1. Þar var sannarlega háspenna lífshætta því þar þurfti að framlengja. Staðan 88:88 eftir venjulegn leiktíma. Í stöðunni 99:100 kom Julia Demirer Hamar yfir 101:100 og 19 sekúndur eftir. Kristi Smith setti þá þrist þegar fjórar sekúndur voru eftir og Hamar náði ekki að skora eftir það. Keflavík vann því 101:103 og er komið í 1:2 í einvíginu. Julia Demirer var með 39 stig en Birna Valgarðsdóttir og Kristi Smith voru með 26 og 25 stig fyrir Keflavík.

Haukar · Þór Þorlákshöfn
Á Ásvöllum tóku Haukar á móti Þór Þ og þar var ekki síður spenna. Haukar voru einu stigi yfir og með boltan þegar um 20 sekúndur voru eftir. Þeir náðu ekki að skora og Þór fékk síðustu sóknina þar sem brotið var á Ara Gylfasyni sem setti bæði vítin sín niður og Þór vann eins stigs sigur í þessum fyrsta leik. Það lið sem fyrr vinnur 2 leiki mætir sigurvegara úr viðureign Vals og Skallagríms. Það lið sem vinnur 2 leiki í úrslitum fylgir KFÍ upp í Iceland Express-deildina að ári.