Metþáttaka er á Nettómótinu sem haldið verður í 20 sinn í Reykjanesbæ um helgina.
Alls hafa um 1000 þátttakendur skráð sig til leiks eða 148 keppnislið frá 22 félögum og leiknir verða 360 leikir á 13 völlum.


Liðin sem boðað hafa þátttöku sína eru:
Ármann, Breiðablik, Fjölnir, FSu, Grindavík, Haukar, Hekla, Hörður, Höttur, ÍA, ÍR, Keflavík, KFÍ, Kormákur, KR, Njarðvík, Reykdælir, Snæfell, Stjarnan, Tindastóll, Valur og Þór Akureyri.

Mótið fer fram í Heiðarskóla, Akurskóla, Íþróttahúsinu í Njarðvík, Íþróttahúsinu við Sunnubraut og Íþróttahúsinu á Ásbrú og kemur fjöldi sjálfboðaliða að skipulagningu þess sem er í höndum barna- og unglingaráðs köfuknattleiksdeilda Keflavíkur og Njarðvíkur.

Auk leikja er boðið upp á ýmis konar afþreyingu og má þar nefna pizzuveislu, bíó, sund, kvöldvöku, stanslaust fjör í Reykjaneshöllinni og heimsókn til Skessunnar í hellinum auk kvöldvöku. Foreldar og keppendur gista í grunnskólum Reykjanesbæjar þar sem boðið verður upp á morgunmat, hádegismat og kvöldverð keppnisdagana.

Umgjörð mótsins er glæsileg en markmið þess er að börn og foreldrar haldi heim sælir og glaði rmeð góðar minningar.

Mótið hefst kl. 08:00 á laugardagsmorgun með móttöku liða í Holtaskóla en kl. 09:00 hefjast fyrstu leikir á öllum völlum.

Sjá nánar á nettomot.blog.is.