FIBA Europe hefur tilkynnt hvaða leikmenn eru þeir bestu árið 2009.

Það voru þau Pau Gasol og Sandrine Gruda sem voru valin bestu evrópsku leikmenn ársins 2009.

Pau Gasol hlaut tilnefninguna í karlaflokki, annað árið í röð, sem kemur kannski ekki á óvart. Síðasta ár var sigursælt hjá þessum 2.13 cm háa miðherja en hann var og er lykilmaður í liði L.A Lakers (18.9 stig og 9.6 fráköst að meðaltali á síðasta ár) sem vann NBA titilinn. Þá varð hann Evrópumeistari með landsliði Spánar og var valinn MVP á mótinu þar sem hann skilaði 18.7 stigum og 8.3 fráköstum að meðaltali í leik. Hann var auk þess nýverið útnefndur Íþróttamaður Los Angeles-borgar.

Í öðru sæti í kjörinu var þjóðverjinn Dirk Nowitzki og serbinn Milos Teodosic varð þriðji.

Sandrine Gruda frá Frakklandi var valin best kvenna. Gruda sem er 22 ára og 193 cm há kraftframherji leiddi lið Frakka til sigurst með 15.4 stig og 7.7 fráköst í leik á Evrópumóti kvenna á síðasta ári. Hún hefur leikið með Conneticut Sun í WNBA deildinni og leikur með UMMC Ekaterinburg og stefnir á sæti í 4-liða úrslitum þriðja árið í röð.

Önnur í kjörinu var fyrrum leikmaður ársins Anete Jekabsone-Zogota frá Lettlandi og samherju Sandrine Maria Stepanova sem hefur hlotið útnefninguna þrisvar sinnum.