Í kvöld mættust Keflavík og Haukar í Reykjanesbæ og léku til úrslita um það hvort liðið myndi enda í A-riðli deildarinnar í seinnihluta mótsins.

Leiknum lauk með sigri Keflavíkur 85:65 og tryggðu þær sér því 4. sætið í deildinni.

Leikið verður innan A og B deildar heima og heiman eða samtals 6 leiki á hvert lið og þá mun lokastaðan ákveða hvaða lið leika saman um sæti í undanúrslitum. Tvö efstu lið A-riðils fara beint í undanúrslit og sitja hjá meðan lið 3 og 4 mæta efstu tveim liðunum úr B-riðli.

Lokastaðan: (sigrar úr fyrstu 14 leikjunum í sviga)
1. KR (14)
2. Grindavík (10)
3. Hamar (9)
4. Keflavík (8)
-----------
5. Haukar (6)
6. Njarðvík (4)
7. Snæfell (3)
8. Valur (2)

Einn leikur fór fram í 1. deild karla en Ármann tapaði á heimavelli gegn liði Þórs frá Þorlákshöfn, 78:127.