Helena Sverrisdóttir og Jón Arnór Stefánsson hafa verið valin körfuknattleikskona og körfuknattleiksmaður ársins 2009 af KKÍ.



Helena Sverrisdóttir:
Haukar / TCU College
Bakvörður
21 árs
180 cm

•Burðarás í liði TCU sem komst í úrslitakeppni háskólaboltans í Bandaríkjunum sl. vor. Lið hennar var jafnan í hópi topp 25 liða í landinu og er liðinu spáð velengni á keppnistímabilinu 2009-2010 ekki síst fyrir það að Helena leikur með liðinu
•Valin í 5-manna úrvalslið Mountain West riðilsins
•Þrisvar valin besti leikmaður vikunnar í Mountain West riðlinum ( 8. Des. 9. Feb. og 9 Mars)
•Colliers International Classic Tournament MVP, verðmætasti leikmaður mótsins
•Það sem af er þessu hausti er ljóst að Helena er enn að bæta sig og verður forvitnilegt að fylgjast með henni í framtíðinni




Jón Arnór Stefánsson:
KR / Benetton Treviso og Granada
Bakvörður
27 ára
196 cm

•Íslandsmeistari með KR
•Besti leikmaður Íslandsmótsins
•Lék með Benetton Treviso á Ítalíu í úrslitakeppninni sl. vor þar sem hann stóð sig mjög vel
•Jón Arnór lék vel með íslenska landsliðinu sem m.a. vann góða sigra á Hollandi og Danmörku á árinu
•Samdi við Granada til tveggja ára sem leikur í bestu deild Evrópu, ACB deildinni á Spáni. Lenti í erfiðum meiðslum en hefur með miklum dugnaði og aga komist aftur á fjalirnar mun fyrr en áætlað var og hefur leikið vel með liði sínu í sl. leikjum. Skoraði m.a. 8 stig í góðum sigri liðsins sl. laugardag


Jón Arnór og Helena hafa sýnt á síðustu árum að þau eru í fremstu röð íslenskra íþróttamanna og árangur þeirra í hinum stóra heimi körfuboltans sýnir það mjög skýrt.



Körfuboltafólk ársins frá árinu 1998:
1998: Helgi Jónas Guðfinnsson og Anna María Sveinsdóttir
1999: Herbert Arnarson og Guðbjörg Norðfjörð
2000: Ólafur Jón Ormsson og Erla Þorsteinsdóttir
2001: Logi Gunnarsson og Kristín Björk Jónsdóttir
2002: Jón Arnór Stefánsson og Birna Valgarðsdóttir
2003: Jón Arnór Stefánsson og Signý Hermannsdóttir
2004: Jón Arnór Stefánsson og Birna Valgarðsdóttir
2005: Jón Arnór Stefánsson og Helena Sverrisdóttir
2006: Brenton Birmingham og Helena Sverrisdóttir
2007: Jón Arnór Stefánsson og Helena Sverrisdóttir
2008: Jón Arnór Stefánsson og Helena Sverrisdóttir
2009: Jón Arnór Stefánsson og Helena Sverrisdóttir

Oftast valin Körfuboltamaður ársins:*
7 Jón Arnór Stefánsson (2002, 2003, 2004, 2005, 2007, 2008, 2009)
5 Helena Sverrisdóttir ( 2005, 2006, 2007, 2008, 2009)
4 Jón Kr. Gíslason (1987, 1989, 1992, 1993)
3 Kristinn Jörundsson (1973, 1975, 1977)
2 Jón Sigurðsson (1976, 1978)
2 Valur Ingimundarson (1984, 1988)
2 Guðmundur Bragason (1991, 1996)
2 Anna María Sveinsdóttir (1994, 1998)
2 Birna Valgarðsdóttir (2002, 2004)

* Valið hefur verið tvískipt síðan 1998 en frá 1973 til og með 1997 var aðeins valin einn aðili, karl eða kona, en síðan þá hafa verið valin Körfuknattleiksmaður og Körfuknattleikskona ársins.