Leikmenn beggja liða ásamt þjálfurum að leik loknum

Fjölmargir áhorfendur voru komnir í Grafarvoginn þegar leikur frægra gegn eldri landsliðsmönnum hófst.

Það var mikil spenna í loftinu og áhorfendur tóku vel undir þegar landsliðsmennirnir sem og hinir frægu voru kynntir til leiks enda sjaldan hægt að sjá jafn áhugaverðan körfuboltaleik.

Gömlu landsliðsmennirnir sýndu frábæra takta í upphafi leiks og keyrðu upp muninn. Í leik þar sem hvor hálfleikur er aðeins átta mínútur þá er 19 stiga munur töluvert mikið. Það var einmitt munurinn í hálfleik en eldri landsliðsmennirnir leiddu 23-4.

Hálfleiksræða Svala Björgvinssonar virðist hafa skilað sínu en lið frægra hóf seinni hálfleikinn frábærlega og fór að saxa á muninn. Það hafði þó eitthvað að segja að það fjölgaði ávallt í liði frægra og undir restina voru allir leikmennirnir komnir inná gegn aðeins fimm eldri landsliðsmönnum.

Lokatölur voru 39-27 eldri landsliðmönnunum í vil.

Lið frægra:
3 Jörundur Ragnarsson
8 Auðunn Blöndal
10 Bergur Þór Ingólfsson
20 Sverrir Bergmann
22 Logi Bergmann Eiðsson
23 Sigurður Hrannar Hjaltason
32 Egill Einarsson
33 Ólafur Þór Jóelsson
44 Hilmir Snær Guðnason

Lið eldri landsliðsmanna:
4 Falur Harðarson
6 Guðmundur Bragason
7 Tómas Holton
8 Henning Henningsson
9 Birgir Mikaelsson
10 Páll Kolbeinsson
11 Teitur Örlygsson
12 Guðjón Skúlason
13 Herberg Arnarson
14 Jón Kr. Gíslason
15 Sigurður Ingimundarson