Eins og fram hefur komið þá fer fram áhugaverður leikur á milli Stjörnuleikja kvenna og karla næsta laugardag.

Úrval eldri landsliðsmanna mun etja kappi við þekkta einstaklinga sem á einhverjum tímapunkti ferils síns stunduðu körfubolta en eru þekktir fyrir annað í dag. Óhætt er að segja að um verulega sterkt lið er að ræða og þurfa fyrrverandi landsliðsmenn að hafa sig alla fram til að hafa sigur.

Kynning á "Celeb" liðinu:

Leikstjórnandi · Hilmir Snær Guðnason

Hilmir Snær er landsþekktur leikari sem hefur leikið fjölmörg hlutverk í kvikmyndum, sjónvarpi og á sviði undanfarin ár. Hilmir lék körfu á árum áður með ÍR.

Skotbakvörður · Auðunn Blöndal

Auðun Blöndal grínara þekkir hvert mannsbarn en Auðunn, sem er frá Sauðárkróki, lék að sjálfsögðu með Tindastól hér áður fyrr og kann því sitt hvað fyrir sér í körfu.

Léttur Framvörður · Sverrir Bergmann

Tónlistarmaður og umsjónarmaður Game-TÍVÍ er einnig frá Sauðárkróki og leikur með 2. deildar liði Smárans frá Varmahlíð sem skipað er eingöngu gömlum Skagfirðingum.

Fleiri stjörnur verða kynntar síðar....