Toni Kukoc átti glæstan feril sem leikmaður í Evrópu og í NBA þar sem hann var í frábæru liði Chicago Bulls sem varð meistari í nokkur skipti á tíunda áratugnum.

Kukoc var valinn leikmaður Evrópu í þrígang áður en Chicago völdu hann árið 1990. Hann lék þó með Benetton Treviso áfram þar til að fyrir tímabilið 1993 að hann tók kallinu og fór til Bulls. Kukoc vann svo þrjá NBA-titla á sínum ferli með Bulls.

Nú stefnir Kukoc á það að komast aftur á Ólympíuleikanna en í þetta sinn ekki í körfuknattleikslið Króatíu heldur ætlar hann að reyna við Ólympíulið Króatíu í golfi.

Kukoc deilir því golfáhuganum með sínum gamla liðsfélaga Michael Jordan sem einnig er mikill golfari. Kukoc segist vera forfallinn golfari en hann er með fimm í forgjöf og æfir stíft alla daga.

Það er því spurning hvort að Kukoc fari á sína fjórðu Ólympíuleika sumarið 2016 í Brasilíu en golfið var nýlega tekið inn sem keppnisíþrótt á leikunum og verður leikið í fyrsta sinn á sumarleikunum í sem fara fram í Rio de Janeiro.