Meistarakeppni KKÍ 2009 fer fram í DHL höllinni sunnudaginn 11. október.

Frá árinu 1995 hefur þessi leikur verið góðgerðarleikur og rennur allur aðgangseyrir til ákveðins góðgerðarfélags. Allir sem að leikjunum koma gefa sína vinnu til styrktar málefninu hverju sinni.

Í ár verður það Neistinn, styrktarfélag hjartveikra barna sem fær allt það fé sem safnast í kringum leikina.

Dagskráin í DHL höllinni verður með þessum hætti:

16:30 Haukar - KR

Íslandsmeistarar Hauka leika gegn Bikarmeistara KR í kvenna.

19:15 KR - Stjarnan

Íslandsmeistari KR tekur á móti Bikarmeistara Stjörnunni en þessi lið léku einmitt til úrslita í Subwaybikar karla sl. tímabil.


Troðslur og þriggja stiga körfur safna fé fyrir Neistann:

Iceland Express og Subway styrkja Neistann sérstaklega með skemmtilegri uppákomu.

Iceland Express og Subway hafa ákveðið að setja ákveðna upphæð undir fyrir hverja þriggja stiga körfu og troðslu í leikjunum.

Iceland Express greiðir fyrir slíkar körfur hjá liðunum sem eru Íslandsmeistarar í Iceland Express deildunum og Subway gerir slíkt hið sama fyrir liðin sem eru Subwaybikarmeistarar.

Fyrir hverja þriggja stiga körfu er greitt kr. 2500 og troðslu kr. 5000.

Miðaverð: 1000 fyrir fullorðna, 500 fyrir 12-16 ára. Frítt fyrir börn.

Engin fríkort gilda á þessa leiki.