Meistarakeppnin, Meistarar Meistaranna, er leikur á milli Íslandsmeistara og Bikarmeistara í karla og kvennaflokki frá síðasta keppnistímabili. Leikirnar í ár fara fram í DHL-höllinni næsta sunnudag 11. október.

kl. 16:30 Haukar · KR ( Kvennaleikur )
kl. 19:15 KR · Stjarnan ( Karlaleikur )

Körfuknattleikssamaband Íslands, KKÍ, hefur frá árinu 1995 látið allan ágóða af leikjum meistara meistaranna renna til góðgerðarmála. Ýmis samtök hafa verið styrkt frá þessum tíma og er ávallt erfitt að velja eitt ákveðið málefni. Mjög mörg góðgerðarfélög eru að vinna frábæra og óeigingjarna vinnu fyrir sína skjólstæðinga og ástandið í þjóðfélaginu í dag gerir það starf enn erfiðara.

Nú í ár ákvað stjórn KKÍ að allur ágóði leikjanna þetta árið muni renna til Neistans – styrktarfélags hjartveikra barna.

Körfuboltadagur í Smáralindinni:

Daginn fyrir leikina, laugardaginn 10. október mun verða kynning í Vetrargarðinum í Smáralind frá 13:00-17:00 á meistarakeppninni og komandi keppnistímabil í körfunni. Jafnfram mun Neistinn kynna sína starfsemi þar. KKÍ mun setja upp körfur í Vetrargarðinum þannig að gestir Smáralindar geta komið og leikið sér í körfubolta og tekið þátt í léttum leikjum.

KKÍ og Neistinn vonast til þess að sjá sem flesta í Smáralindinni laugardaginn 10. okt. og í DHL-höllinni sunnudaginn 11. okt. til að styðja við bakið á málefninu.