KR-ingar unnu Hamar í hörkuleik í úrslitum Powerade-bikars kvenna 67-63 í dag.

Eftir nokkuð rólegar upphafsmínútur fór leikurinn á flug og KR náði ágætu forskoti frekar fljótlega. Þær héldu muninum í þægilegum tíu stigum stóran hluta úr leiknum og leiddu 35-25 í hálfleik. En Hvergerðingar gáfust ekki upp og náðu að jafna og komast yfir 42-43 í þriðja leikhluta.

Eftir það var leikurinn í jafnvægi og liðin skiptust á að hafa forystu út leikinn en þó aldrei nema nokkur stig. Það voru þó KR-ingar sem héldu út í dag og unnu.

Stigahæst hjá KR Jenny Pfeiffer-Finora stigahæst með 21 stig og Margrét Kara Sturludóttir bætti við 13 stigum ásamt því að taka átta fráköst.

Hjá Hamri var Koren Schram með 15 stig og sex stoðsendingar en næst henni var Kristrún Sigurjónsdóttir með 13 stig.