Í kvöld fóru fram tveir leikir í Poweradebikar kvenna en þetta voru fyrstu leikirnir í 8-liða úrslitunum og lauk þeim báðum með sigri heimaliðanna. Um helgina eigast svo við KR og Snæfell á laugardaginn og á sunnudaginn eigast við Keflavík og Grindavík.

Að Ásvöllum tóku íslandsmeistararnir á móti liði nýliða Njarðvíkur og höfðu góðan sigur 75:50. Staðan í hálfleik var 42:20.

Í Hveragerði tóku Hamarstúlkur á móti Valsstúlkum. Harmar sigraði með 34 stiga mun, 84:50. Hamar var yfir í hálfleik 36:25.

Tölfræði kvöldsins er hægt að skoða hérna.