Úrslitaleik Spáns og Serbíu var að ljúka og það eru Spánverjar sem eru Evrópumeistarar 2009 í körfubolta.

Staðan í hálfleik var en Spánverjar voru með 15 stiga forskot mest allan seinni hluta fyrrihálfleiks en munurinn fór mest í 24 stig.

Serbum gekk illa að stöðva Pau Gasol sem var með 12 stig og 8 fráköst í fyrrihálfleik, sem og Ricky Rubio sem ógnaði í sífellu fyrir utan. Ricky sem Minnesota Timberwolves völdu í nýliðavalinu nr. 5 ákvað að fara til Barcelona fyrst og mun leika þar næsta tímabil.

Í seinni hálfleik var aldrei spurning hvernig leikurinn færi en Spánverjar juku forskot sitt í 29 stig á tímabili í 3. leikhluta, lokatölur 85:63. Spánverjar tóku 42 fráköst gegn 24 hjá Serbum.

Grikkir urðu í 3. sæti og fá því bronsið eftir að hafa lagt Slóveníu að velli 57:56.

Fyrir verðlaunaafhendinguna var úrvalslið EM kynnt en í því eru þeir Pau Gasol og Rudy Fernandez frá Spáni, Vasileios Spanoulis frá Grikklandi, Milos Teodosic frá Serbíu og Erazem Lorbek frá Slóveníu.

Pau var svo útnefndur MVP mótsins en hann var með 18 stig, 11 fráköst og 3 varin skot í leiknum.