Íslenska karlalandsliðið tapaði fyrir Austurríki í dag 65-76 í lokaleik liðsins í B-deild Evrópukeppninnar.

Byrjun liðsins í leiknum var afar slök en Austurríkismenn settu 20 stig gegn aðeins fjórum frá Íslandi á fyrstu fimm mínútum leiksins. En íslenska liðið gafst ekki upp og jafnaði 23-23 í upphafi annars leikhluta og mikið eftir af leiknum.

Þá kom annar góður kafli hjá Austurríki og leiddu þeir í hálfleik 34-45.

Jafnræði var með liðunum í þriðja leikhluta og náðu íslensku strákarnir ekki að minnka muninn að ráði og gestirnir leiddu 48-60 fyrir lokaátökin.

Íslensku strákarnir gáfu allt í leikinn og náðu ða minnka muninn í tvö stig 61-63 en nær komust þeir ekki að sinni og Austurríkismenn fóru með sigur af hólmi.

Stigahæstur hjá Íslandi var Logi Gunnarsson með 17 stig og næstur honum kom Jón Arnór Stefánsson með 16 stig.