Ísland vann Holland í dag sannfærandi 87-75 í B-deild Evrópukeppninnar eftir að hafa leitt í hálfleik 59-31.

Íslensku strákarnir buðu upp á sannkallaða skotsýningu í dag en þeir kafsigldu Hollendinga í fyrri hálfleik og keyrðu muninn upp í heil 28 stig í hálfleik, 59-31.

Í þriðja leikhluta náðu Hollendingar að loka á okkar stráka og minnka muninn jafnt og þétt. Settu þeir fyrstu 10 stig leikhlutans og smá kurr fór um áhorfendur í Smáranum.

Strákarnir náðu þó að halda haus og juku muninn á ný en munurinn var ellefu stig 66-55 fyrir lokaátökin.

Hollendingar reyndu að gera nokkrar heiðarlegar tilraunir til þess að minnka muninn enn meir og komast inn í leikinn en íslenska liðið náði að hindra allar fyrirætlanir þeirra og sigur Íslands sanngjarn.

Stigahæstur hjá Íslandi var Jón Arnór Stefánsson með 23 stig og næstur honum kom Páll Axel Vilbergsson með 18 stig.

Næsti leikur Íslands er á miðvikudag gegn Svartfjallalandi á útivelli.

Tölfræði leiksins

Staðan í riðlinum:
1. Svartfjallaland 6/0 12 stig
2. Holland 4/3 11 stig
3. Austurríki 3/4 10 stig
4. Ísland 3/3 9 stig
5. Danmörk 0/6 6 stig