Það voru Haukastúlkur sem tryggðu sér sigur í Iceland Express-deildinni í ár, og þar með Íslandsmeistartitilinn, með sigri á KR í oddaleik um titilinn að Ásvöllum í kvöld.

Leikurinn var frábær skemmtun eins og allir leikirnir í úrslitaseríunni hafa verið. Það fór svo að Haukar reyndust sterkari lokaleikhlutanum og unnu 69:64.

Slavica Dimovska var kjörin MVP í úrslitaseríunni en hún var með 27 stig í kvöld og leiddi Haukaliðið af miklu öryggi.

KKÍ óskar Haukum til hamingju og þakkar báðum liðum fyrir frábæra úrslitaseríu í ár.