Nú var leikjum kvöldsins að ljúka en KR og Keflavík áttust við í sínum fyrsta leik í undanúrslitarimmu sinni í Vesturbænum. KR hafði sigur 102:74 og er því komið í 1-0. Það lið sem fyrr sigrar 3 leiki fer í úrslit. Liðin mætast í Keflavík á þriðjudaginn kemur kl 19.15.

Í 1.deildinni áttust Valur og KFÍ við öðru sinni á Ísafirði og þar jöfnuðu heimamenn seríuna með 11 stiga sigri, 70:59. Valur vann fyrri leik þessara liða og því verður oddaleikur í Valsheimilinu á þriðjudaginn kemur kl 20.00. Það lið sem sigrar mætir annað hvort Haukum eða Fjölni í úrslitarimmu um sæti í Iceland Express-deildinni að ári.

Haukar jöfnuðu einnig viðureign sína í Grafarvoginum í kvöld þegar þeir unnu Fjölni 70:73. Liðin mætast einnig í oddaleik á þriðjudaginn kl 19.15 á Ásvöllum.

Alla tölfræði er hægt að sjá á kki.is/live.