Undanúrslit og úrslitaleikurinn í Meistardeildinni í ár hjá konunum fer fram í bænum Salamanca á Spáni 3.- 5. apríl næstkomandi.

Undanúrslitin fara fram á föstudeginum 3. apríl en þá mætast heimaliðið Halcon Avenida og ungverska liðið MKB Euroleasing í fyrri undanúrslitaleiknum.

Í hinum leiknum mætast rússnesku risarnir Spartak Moscow, sem hafa titil að verja, og UMMC Ekaterinburg.

Úrslitaleikurinn og leikurinn um 3. sætið fer svo fram á sunnudeginum þann 5. apríl.

Þeir sem geta nálgast Eurosport 2 geta fylgst með herlegheitunum á skjánum og svo verður bein tölfræðilýsing á Fibaeurope.com.