Bikarúrslitaleikir yngri flokkanna fara fram um helgina og verður hægt að fylgjast tölfræði leikjanna beint á netinu.

Tveimur leikjum er lokið nú þegar. KR vann Þór Þorlákshöfn í 9. flokki karla 65:50.

Maður leiksins var Martin Hermannsson úr KR.

Leikur nr. 2 í dag var viðureign Keflavík-A og UMFG í 10. flokki kvenna. Þar hafði Keflavík sigur 61:37.

Maður leiksins var Árný Gestsdóttir úr Keflavík.

Þriðji bikarmeistari dagsins er lið Fjölnis í 11. flokki en þeir lögðu KR að velli 68-105.

Maður leiksins var Haukur Pálsson úr Fjölni.

KR-ingar urðu bikarmeistarar í unglingaflokki kvenna þegar þær lögðu Hauka 61-57.

Margrét Kara Sturludóttir úr KR var valinn maður leiksins.

Keflavík vann Val í úrslitum unglingaflokks karla 87-102.

Hörður Axel Vilhjálmsson úr Keflavík var valinn besti maður leiksins.

Fyrsti leikur sunnudagsins var viðureign Keflavíkur og UMFN í 9. flokki kvenna. Þar hafði Keflavík sigur 75-41.

Besti maður leiksins var Eva Rós Guðmundsdóttir í liði Keflavíkur.

UMFN og KR mættust í öðrum úrslitaleik sunnudagsins í 10. flokki karla. UMFN vann 77-53.

Valur Orri Valsson úr liði UMFN var valinn besti maður leiksins.

Keflavík-b varð bikarmeistari í Stúlknaflokki þegar þær lögðu granna sína í UMFN 51-71.

Eva Rós Guðmundsdóttir úr Keflavík var valin besti maður leiksins.

Fjölnir vann Skallagrím í drengjaflokki 55-99.

Ægir Þór Steinarsson var valinn besti maður leiksins.