FIBA Europe hefur staðið fyrir kjöri á besta leikmanni Evrópu sem eru fæddir 1988 og fyrr og nú eru þeir búnir að tilkynna fyrstu úrslit og þeir byrja á besta unga leikmanni kvenna.

Það var Gintarė Petronytė frá Litháen sem hafnaði í fyrsta sæti í kjörinu að þessu sinni. Gintarė er 1.95 cm á hæð og spilaði vel fyrir Litháenska U20 ára landsliðið sitt í Evrópukeppninni síðastliðið sumar.

Þá var hún með 20.8 stig, 11.5 fráköst og 1.3 varið skot að meðaltali í leik. Með A-landslið Litháen var hún svo með 9.3 stig að meðaltali og 7.3 fráköst sem hjálpaði Litháenska landsliðinu að komast áfram í úrslitakeppnina í Lettlandi í ár.

Gintarė spilar með TEO Vilnius en liðið hennar leikur í Meistardeildinni í ár og komst í áttunda sinn í röð í úrslit, en liðið hennar féll út fyrir UMMC Ekaterinburg að þessu sinni. Sonja Petrovic frá Serbíu hafnaði í fyrsta sæti í fyrra, en varð önnur að þessu sinni.

Úrslit í kjörinu í ár: Besti ungi leikmaður kvenna
1. Gintarė Petronytė
2. Sonja Petrovic
3. Alba Torrens
4. Natalia Vieru
5. Frida Eldebrink
6. Snezana Aleksic
7. Sabine Niedola
8. Aurime Rinkeviciute
9. Bahar Caglar
10. Diandra Tchatchouang