U16 og U18 drengjalandsliðin munu æfa í jólafríinu þetta árið eins og mörg undanfarin ár. Æfingarnar eru undirbúningur fyrir NM sem fer fram í vor.

Einar Árni Jóhannsson þjálfari U16 mun boða sinn hóp til æfinga dagana 27. til 30. desember en Ingi Þór Steinþórsson þjálfari U18 boðar sinn hóp til æfinga 20.- 21. desember og svo aftur 27.- 28.desember.

U16 liðið er skipað drengjum fæddum 1993 og síðar en U18 eru drengir fæddir 1991 og 1992.

Æfingatímar og staðsetningar munu berast um það leyti sem hóparnir verða tilkynntir en það verður áður en nóvember er allur.

Einar Árni mun einnig boða hóp í U15 þessa sömu daga (27.-30.desember). U15 er skipað drengjum fæddum 1994 og síðar.