Jón Arnór Stefánsson hefur verið í miklu stuði í þeim tveimur landsleikjum sem hann hefur spilað á móti Hollandi en Jón Arnór er nú staddur í Hollandi þar sem íslenska landsliðið spilar annan leik sinn í Evrópukeppninni á móti heimamönnum á morgun. Nú verður gaman að sjá hvort Hollendingunum takist að stoppa íslenska landsliðið sem hefur unnið fjóra Evrópuleiki í röð. Leikurinn fer fram í nýju íþróttahöllinni í Almere og hefst klukkan 19.30 eða klukkan 17.30 á íslenskum tíma.

Jón Arnór Stefánsson spilaði tvo leiki á móti Hollandi í ágúst 2005. Ísland vann báða leikina og Jón Arnór var með 19,5 stig, 6,0 fráköst, 4,5 stoðsendingar og 4 stolna bolta að meðaltali í leikjunum þar sem hann hitti úr 54% skota sinna þar af 6 af 9 skotum sínum fyrir utan þriggja stiga línuna.

Jón Arnór hefur skorað fleiri stig að meðaltali á móti einni annarri þjóð en Hollandi en það munar þó ekki miklu. Jón Arnór skoraði 19,7 stig að meðaltali í þeim þremur landsleikjum sem hann hefur spilað á móti Norðmönnum eða 0,2 fleiri stig í leik en á móti Hollendingum.

Íslenska landsliðið hefur tapað síðustu þremur leikjum sínum á móti Hollandi þegar liðið hefur þurft að leika án Jóns Arnórs en þar á meðal var vináttulandsleikur í Alkmaar 24. ágúst 2006 sem er síðasta leikur þjóðanna. Holland vann þann leik 94-91. Ísland hefur síðan aðeins unnið 4 af 20 A-landsleikjum sínum frá upphafi á móti Hollandi.


Hæsta meðalskor Jóns Arnórs á móti ákveðnum þjóðum:
(lágmark 2 leikir á móti þjóðinni)
1. Noregur 19,7 (3 leikir)
2. Holland 19,5 (2 leikir)
3. Finnland 13,4 (5 leikir)
4. Svíþjóð 12,0 (3 leikir)
5. Kína 10,5 (2 leikir)
6. Danmörk 10,3 (4 leikir)
7. Kýpur 9,7 (3 leikir)
8. Írland 9,0 (4 leikir)
9. Sviss 8,5 (2 leikir)
10. Belgía 8,0 (2 leikir)
11. Lúxemborg 7,3 (3 leikir)

Landsleikir Jóns Arnórs á móti Hollandi:
15. ágúst 2005, Groningen, Holland-Ísland 74-78
Mínútur spilaðar: 29
Stig: 26
Fráköst: 5 (2 í sókn)
Stoðsendingar: 3 (+5 fyrir vítaskot)
Stolnir boltar: 4
Varin skot: 0

Skotnýting: 15/9 (60%)
3ja stiga skotnýting: 7/5 (71%)
Vítanýting: 4/3 (75%)

Tapaðir boltar: 2
Villur: 2

Framlag: 29

16. ágúst 2005, Groningen, Holland-Ísland 75-82 (71-71)
Mínútur spilaðar: 31
Stig: 13
Fráköst: 7 (1 í sókn)
Stoðsendingar: 6 (+2 fyrir vítaskot)
Stolnir boltar: 4
Varin skot: 0

Skotnýting: 9/4 (44%)
3ja stiga skotnýting: 2/1 (50%)
Vítanýting: 5/4 (80%)

Tapaðir boltar: 0
Villur: 2

Framlag: 24

Meðaltöl Jóns Arnórs á móti Hollandi
Mínútur spilaðar: 30,0
Stig: 19,5
Fráköst: 6,0
Stoðsendingar: 4,5
Stolnir boltar: 4,0
Varin skot: 0,0
Skotnýting: 24/13 (54%)
3ja stiga skotnýting: 9/6 (67%)
Vítanýting: 9/7 (78%)
Framlag: 26,5