Íslenska kvennalandsliðið mætir því hollenska í fimmta sinn þegar liðið spila í Evrópukeppnini í Almere í Hollandi í dag. Liðin dógust aftur saman í riðil í þessarri keppni eftir að hafa hafa spilað saman í riðli í Evrópukeppninni sem var spiluð 2006 til 2007. Þetta er annar leikur Íslands í Hollandi en sá fyrri fór fram í Rotterdam fyrir tveimur árum síðan.

Hildur Sigurðardóttir er eini íslenski leikmaðurinn sem hefur verið með í öllum fjórum leikjunum á móti Hollendingum en Hildur spilar sinn fimmta landsleik á móti Hollandi í dag. Þær Birna Valgarðsdóttir og Signý Hermannsdóttir hafa síðan báðar leikið 3 af 4 leikjum Íslands á móti Hollandi. Signý mun bæta þeim fjórða við í dag.

Ísland hefur einu sinni spilað við Holland á útivelli en sá leikur var í síðustu Evrópukeppni og fór fram í Rotterdam 9.september 2006. Sjö leikmenn íslenska liðsins í dag voru með í leiknum fyrir tveimur árum en það voru þær: Helena Sverrisdóttir (25 stig í leiknum), Signý Hermannsdóttir (8), Kristrún Sigurjónsdóttir (8), Hildur Sigurðardóttir (2), María Ben Erlingsdóttir (2), Jovana Lilja Stefánsdóttir og Pálína Gunnlaugsdóttir.

Landsleikir Íslands og Hollands frá upphafi:
8. maí 1999 Ísland*-Holland 53-
4. maí 2001 Ísland*-Holland 51-
9. september 2006 Holland-Ísland 66-61
1. september 2007 Ísland-Holland 52-73
* Æfingamót í Lúxemborg

Leikirnir við Holland í síðustu Evrópukeppni:

9. september 2006 í Rotterdam
Holland-Ísland 66-61 (10-16, 21-17, 18-20, 17-8)
Flest stig: Helena Sverrrisdóttir 25, Birna Valgarðsdóttir 16, Signý Hermannsdóttir 8, Kristrún Sigurjónsdóttir 8
Flest fráköst: Signý 11, Helena 8, Pálína Gunnlaugsdóttir 5
Flestar stoðsendingar: Pálína 4, Helena 3, Kristrún 2, Birna 2, Margrét Kara Sturludóttir 2
Hæsta framlag: Signý 22, Kristrún 12, Helena 11

1. september 2007 á Ásvöllum
Ísland-Holland 52-73 (11-21, 9-15, 16-13, 16-24)
Flest stig: Helena 12, Hildur Sigurðardóttir 11, Signý 9
Flest fráköst: Signý 8, Margrét Kara 6, Hildur 5
Flestar stoðsendingar: Helena 4, Svava Ósk Stefánsdóttir 3
Hæsta framlag: Helena 9, Signý 9, Svava Ósk 8