Niðurröðun Iceland Express deildar karla liggur nú fyrir og hefur verið send á félögin.

Deildin fer af stað fimmtudaginn 16. október og hefst með þremur leikjum, en í vetur verður fyrirkomulagið þannig að þrír leikir fara fram á kvöldi.

Leikjadagarnir eru þeir sömu og hafa verið undanfarin ár. Annars vegar er leikið fimmtudag/föstudag og hins vegar sunnudag/mánudag.

Niðurröðun Iceland Express deildar karla

Á nýja tölfræðivef sambandsins sem er hægt að velja hér að ofan geta menn skoðað allar 22 umferðir deildarinnar.

Opnunarleikur Iceland Express deildar karla þetta haustið verður á heimavelli nýliða FSu í Iðu á Selfossi en þeir taka á móti Njarðvíkingum sem hafa verið lengst allra liða deildarinnar í úrvalsdeild til þessa.

Aðrar deildir eru í vinnslu en við færum fréttir af þeim um leið og þær liggja fyrir.