Á morgun laugardag 19. júlí verður Streetball mót í Reykjanesbæ og lofa mótshaldarar góðu veðri og engu verði.

Mótið fer fram á hinum glæsilega útivelli sem er við Íþróttahúsið við Sunnubraut í Keflavík og hefst klukkan 13:00.

Það eru allir velkomnir og má lið samanstanda af 5 leikmönnum en það eru 3 leikmenn inn á í einu. Það er ekkert mótsgjald og er tekið við skráningum á liðum á staðnum.

Þetta verður fyrsta mótið af nokkrum sem eru ráðgerð á næstunni og er stafnan að enda með einu risastóru í tengslum við Ljósanóttina.

Með fjölgun þessara glæsilegu útivalla hefur áhuginn á Streetball aukist mikið.