Í kvöld mætast Snæfell og Keflavík í öðrum leik liðanna í úrslitaeinvígi Iceland Express deildar karla. Leikurinn fer fram í Hólminum og hefst klukkan 20:00.
Keflvíkingar sigruðu 81-79 í hörkuleik og má búast við öðru eins í kvöld í Fjárhúsinu.

Leikurinn verður í beinni útsendingu á Stöð 2 sport og hefst útsending klukkan 19:50 en einnig verður hægt að fylgjast með lifandi tölfræði í beinni.

Keflvíkingar eru með fríar sætaferðir frá K-húsinu klukkan 15:30 og má reikna með fjölda úr Bítlabænum í kvöld.

Umfjöllun um leikinn á heimasíðu Snæfells en þar er m.a. hægt að finna tengil á myndband frá leik 1.

Umfjöllun um leikinn á heimasíðu Keflavíkur.