Í kvöld verður leikur 2 í einvígi ÍR og Keflavíkur í undanúrslitum Iceland Express deildar karla. Leikurinn verður í Seljaskóla og hefst klukkan 19:15.

ÍR vann fyrsta leik liðanna 87-92 eftir framlengingu. Toyota-Höllin var fyllt í Keflavík og áhorfendur fengu að sjá frábæran leik svo að það má búast við að Seljaskóli verði fylltur í kvöld og að fjörið verði mikið.

Þeir sem ekki komast í Seljaskólann í kvöld geta fylgst með beinni útsendingu á karfan.is en Eggert Baldvinsson hefur í hyggju að vera með netútsendingu frá leiknum.