Undanúrslitaleikirnir í háskólakörfuboltanum fóru fram sl. nótt þar sem Memphis og Kansas unnu sína leiki og mætast í úrslitaleik á mánudagskvöld.

Memphis vann UCLA nokkuð örugglega 78:63 þar sem Chris Douglas-Roberts var frábær í liði Memphis.

Í hinum leiknum þar sem flestir bjuggust við jöfnum leik á milli North Carolina og Kansas vann Kansas nokkuð auðveldlega 84:66. Kansas lék frábærlega í upphafi leiks og lék North Carolina grátt. Á einum tímapunkti í fyrri hálfleik var staðan 40:12. North Carolina náði að minnka muninn í 54:50 en þá tók Kansas annan kipp og seig fram úr og vann loks öruggan sigur.

Það verða því Memphis og Kansas sem leika til úrslita á mánudagskvöld og má búast við skemmtilegum leik ef eitthvað er að marka þessi leiki en bæði lið vilja keyra upp hraðann og hafa innanborðs mikla íþróttamenn.