Fyrsti leikurinn um Íslandsmeistaratitilinn í Iceland Express deild kvenna fór fram í dag í Keflavík.

Leikurinn var frábær skemmtun og mikil spenna undir lokin en heimakonur náðu að vinna eins stig sigur í lokin 82:81.

Næsti leikur er í DHL höllinni á þriðjudagskvöld klukkan 19:15

Í leikslok var svo " Manni leiksins " afhent gjafabréf frá Iceland Express sem er ferð til einhvers af áfangastöðum þeirra í Evrópu. Maður leiksins í dag var TaKesha Watson leikmaður Keflavíkur. Hún fær þarna gott tækifæri á því að skoða hvað Evrópa hefur upp á að bjóða.