Í gærkvöldi voru fjórir leikir í Iceland Express deild karla. Tindastóll lagði KR á Sauðárkróki í framlengdum leik 96-94.

Með sigrinum í gær á Tindastóll enn möguleika á að komast í úrslitakeppnina en þeir eru í mikilli baráttu við Þór Akureyri sem tapaði fyrir Grindavík í gærkvöldi 107-95.

Tap KR þýðir að Keflavík getur tryggt sér deildarmeistaratitilinn í kvöld með því að sigra Skallagrím.

Snæfell vann sigur á ÍR 87-83 í hörkuleik.

Njarðvík sigraði Fjölni í Grafarvoginum 83-98.