Haukar sigruðu í gærkvöldi lið KFÍ á Ísafirði og tryggðu sér þar með sæti í úrslitakeppni 1. deildar karla.

Leikur KFÍ og Hauka var æsispennandi en Sveinn Ómar Sveinsson skoraði sigurkörfuna þegar 9 sekúndur voru eftir af leiknum. Lokatölur voru 85-86 fyrir Hauka.

Það er því ljóst að FSu, Valur, Ármann og Haukar munu leika í úrslitakeppni deildarinnar um sæti í Iceland Express deildinni á næsta tímabili.

Lokastaða liðanna er þó ekki komin á hreint ennþá en það er mögulegt að Ármann komist upp fyrir Hauka eftir lokaumferðina. FSu og Valur eru þegar búin að tryggja sér heimavallarréttindi í fyrstu umferðinni.

Staðan í deildinni.