Körfuknattleiksdeild Tindastóls hlaut á dögunum nafnbótina Fyrirmyndardeild ÍSÍ en það fá þær deildir sem uppfylla gæðastaðla ÍSÍ.

Það voru þeir Karl Jónsson og Halldór Halldórsson sem veittu viðurkenningunni móttöku úr hendi Ólafs Rafnssonar forseta ÍSÍ.

Körfuknattleiksdeild Tindastóls er sjötta körfuknattleiksdeildin sem hlýtur þessa viðurkenningu en áður höfðu Keflavík, Njarðvík, Afturelding, KFÍ og Þór Akureyri fengið hana.

Hægt er að fræðast um hvaða reglur þarf að uppfylla á heimasíðu fyrirmyndarfélaga.

Frétt tekin af karfan.is.