Snæfell tryggði sér um helgina deildarmeistaratitilinn í 1. deild kvenna.

Lið Snæfells lék tvo leiki um helgina en þær sigruðu Skallagrím í gær í Borgarnesi og unnu svo Þór Akureyri í dag í Stykkishólmi 84-42.

Snæfell hefur leikið frábærlega í deildinni í vetur og eru stúlkurnar taplausar eftir veturinn. Þær eiga aðeins einn leik eftir á útivelli gegn Njarðvík en sigrarnir um helgina tryggðu þeim deildarmeistaratitilinn og sæti í Iceland Express deild kvenna á næsta ári.

Hannes S. Jónsson, formaður KKÍ, afhenti verðlaun eftir leikinn gegn Þór í dag.