Í kvöld verða 4 leikir í Iceland Express deild karla. Tvær viðureignir sem þurfti að fresta í gær munu verða leiknar í kvöld.

Á Sauðárkróki mætast Tindastóll og Fjölnir. Þetta ætti að verða hörkuleikur en bæði lið eru í mikilli baráttu í neðri hluta deildarinnar.

Í Hveragerði tekur Hamar á móti Grindavík. Þessi lið eru bæði í mikilli baráttu en á sitt hvorum enda töflunnar. Hamar er í mikilli fallbaráttu en Grindvíkingar eru að berjast um að ná Keflavík á toppi deildarinnar.

Leikur KR og Þórs Akureyri sem átti að fara fram í gærkvöldi verður klukkan 19:15 í DHL-Höllinni í kvöld. KR-ingar eru í mikilli baráttu á toppi deildarinnar en Þórsarar eru í þéttum hópi liða í neðri hlutanum.

Klukkan 20:00 verður svo leikur Stjörnunnar og Snæfells sem átti að fara fram í gær. Stjarnan er í 8. sæti deildarinnar en Snæfell er í 6. sæti deildarinnar.