Í gærkvöldi áttust við Houston Rockets og Milwaukee Bucks í deildarkeppni NBA. Gífurlegur áhugi var fyrir leiknum í Kína enda voru þarna að mætast Yao Ming og Yi Jianlian.

Houston Rockets unnu leikinn og áttu Yao og Yi báðir góðan leik.

Yao Ming er fyrir löngu búinn að skapa sér nafn í körfuboltaheiminum og er af mörgum talinn besti miðherji heims í dag.

Yi Jianlian var valinn númer 6 af Milwaukee í nýliðavali NBA deildarinnar síðastliðið vor. Hann er talinn gífurlega efnilegur og Yao Ming sagði eftir leikinn að hann teldi að Yi yrði betri leikmaður en hann sjálfur.

Þetta er í fyrsta sinn sem þessir leikmenn mætast í NBA deildinni og því var gífurlegur áhugi fyrir þessum leik, sérstaklega í Kína. Leikurinn var sýndur á 19 sjónvarpstöðvum í Kína og það er talið að rúmlega 200 milljónir manna hafi horft á leikinn. Þetta er líklega mesta áhorf á leik í deildarkeppni NBA frá upphafi.

Körfubolti er gífurlega vinsæll í Kína og það er líklegt að fleiri góðir leikmenn muni koma þaðan á næstu árum.