4 leikir voru í Iceland Express deild karla í gærkvöldi og einn leikur í Iceland Express deild kvenna.

Nýliðar Stjörnunnar komu mörgum á óvart með því að sigra lið Njarðvíkur á útivelli 78-81.

Fjölnismenn unnu einnig góðan útisigur þegar þeir lögðu ÍR-inga í Seljaskóla 83-85.

Í Stykkishólmi vann Snæfell lið Tindastóls 101-73. Lið Snæfells er því komið á gott skrið eftir slæma byrjun.

Í Grindavík unnu heimamenn lið Skallagríms 90-74. Grindvíkingar komust þar með upp að hlið Keflvíkinga á toppi deildarinnar með 10 stig.

Staðan í deildinni.

Í Iceland Express deild kvenna var einn leikur. Hamar vann sinn fyrsta leik þegar þær mættu Val á útivelli. Þetta var enn einn spennuleikurinn í deildinni en Hamar náði að sigra að lokum 42-45.