Tveir leikir voru í Iceland Express deild kvenna í kvöld. Báðir leikirnir voru jafnir og spennandi. Haukar og Keflavík náðu að sigra eftir mikla baráttu.

Leikur Grindavíkur og Hauka var æsispennandi. Grindavík klikkaði á tveimur vítum undir lok leiksins, sem hefðu tryggt þeim sigur, og því þurfti að framlengja. Haukar voru sterkari aðilinn í framlengingunni og náðu að sigra 88-90. Umfjöllun um leikinn má lesa hér.

Í Keflavík var annar spennandi leikur þegar Keflavík og KR mættust. KR leiddi eftir fyrsta leikhlutann 18-22 og staðan eftir þrjá leikhluta var 54-53 fyrir Keflavík. Leikurinn var áfram jafn í 4. leikhluta en Keflavíkurstúlkur náðu að lokum að sigra 69-66.